Un play-off para o Cisne con dobre vía para o ascenso
Por Diego Espiño
Semana de fase de ascenso para o Club Cisne Balonmán.
Tras certificar a súa presenza no play-off cun triunfo fronte ao campión de liga, o Guadalajara, os pontevedreses prepáranse xa para afrontar un reto maiúsculo en busca de retornar á máxima categoría do balonmán nacional.
O Cisne viaxará ata Burgos para xogar unha fase que terá dobre vía para o ascenso, en formato de final a 4.
O primeiro é que ao concluír a competición regular en sexto lugar (o Barça Atlètic foi segundo pero non conta para o play-off), os de Jabato deberán xogar a semifinal fronte ao anfitrión do torneo, o UBU San Pablo Burgos, un equipo que foi terceiro en liga con 40 puntos, catro máis que os pontevedreses.
O duelo disputarase o vindeiro sábado 25 de maio (18.00 horas) no pavillón burgalés do Plantío, enfrontándose na outra semifinal Caserío Ciudad Real e o Villa de Aranda.
De chegar ao duelo decisivo (domingo 26, 12.00 horas) o gañador lograría o ascenso á Liga Asobal e o perdedor accedería a esa dobre vía cunha elminatoria de promoción fronte ao antepenúltimo clasificado de Asobal (actualmente o Cangas).
No que respecta ao primeiro partido da fase de ascenso para o Cisne, será o terceiro encontro da tempada fronte a un UBU San Pablo Burgos que gañou os dous choques, 34-36 en Pontevedra e 31-26 en Burgos. Con todo os de Jabato afrontarán o play-off nun dos seus mellores momentos do curso, tras ter sumado en liga 11 dos últimos 12 puntos en xogo.
Relacionadas:
-
O Cisne di adeus á fase de ascenso á Liga Asobal (32-20)
Por Almu Dapena |
-
"Cero presión" no Cisne para "intentar dar la campanada" na fase de ascenso
Por Diego Espiño |
-
O Cisne organiza unha viaxe para que os seus afeccionados acudan á fase de ascenso
Por Redacción |
-
O Cisne gaña ao Guadalajara e xogará a fase de ascenso a Asobal (34-30)
Por Almu Dapena & Cristina Saiz |
-
O Cisne recorre un ano máis á 'Operación Quilómetro' para custear a viaxe dos seus cadetes ao Sector Nacional
Por Diego Espiño |
-
Un Cisne de dúas caras rasca un empate en Antequera (31-31)
Por Almu Dapena |