Lucía Rivas, á final do Europeo Sub-17 con España e billete cara ao Mundial
Por Diego Espiño
A Selección Española Sub-17, coa futbolista caldense Lucía Rivas nas súas filas, alcanzou a final do Campionato de Europa que se está a disputar en Suecia.
Fíxoo tras golear (6-1) na semifinal do campionato a Francia, con Lucía participando na segunda metade tras substituír á tamén galega Lúa Arufe no minuto 60 de xogo.
O premio engadido de chegar á final é lograr a clasificación para o próximo Campionato do Mundo da categoría que terá lugar na República Dominicana (os tres primeiros do Europeo lograban o pase).
En canto a Lucía Rivas, a xogadora do RC Deportivo participou na primeira xornada do torneo no 3-0 a Portugal partindo desde o banco (entrando no minuto 82), e foi titular na goleada a Bélxica (5-0) que pechaba a primeira fase.
Agora espera na gran final do Europeo a selección Inglaterra, o vindeiro sábado 18 de maio nun encontro que se disputará no estadio Idrottsplats da cidade de Malmö.
Relacionadas:
-
Lucía Rivas, campioa de Europa con España tras golear a Inglaterra (4-0)
Por Almu Dapena |
-
A caldense Lucía Rivas, convocada para xogar o Campionato de Europa Sub-17
Por Diego Espiño |
-
Lucía Rivas repite convocatoria coa Selección Española Sub-17
Por Redacción |
-
A caldense Lucía Rivas debuta coa Selección Española no Torneo Desarrollo UEFA de Finlandia
Por Redacción |