O Cisne invoca á afección pontevedresa para lograr un posto no play-off de ascenso
Por Diego Espiño
A presenza do Club Cisne Balonmán na fase de ascenso á Liga Asobal pasa polo Pavillón Municipal dos Deportes.
Os xogadores adestrados por Javier Fernández 'Jabato' necesitan sumar polo menos un punto na última xornada da liga regular para certificar a súa presenza no play-off, sen mirar ao que faga no seu partido o Trops Málaga, que se mide a un descendido Handbol Mallorca.
O equipo pontevedrés pola súa banda recibirá na súa pista este próximo sábado 18 (19.00 horas) o BM Guadalajara, equipo xa matematicamente primeiro e ascendido á máxima categoría.
Ante a transcendencia do duelo, o Cisne invoca á afección pontevedresa para recibir o maior apoio posible desde as bancadas, e faino rebaixando o prezo das entradas para o partido e ofrecendo unha promoción destinada aos socios do resto de clubs deportivos da Boa Vila.
Así o prezo das localidades para adultos fixouse en 10 euros, mentres que os socios de equipos da cidade deberán abonar 8 euros e a entrada xuvenil terá un custo de 5 euros.
As entradas poden adquirirse a través da aplicación Cluber.
Relacionadas:
-
O Cisne gaña ao Guadalajara e xogará a fase de ascenso a Asobal (34-30)
Por Almu Dapena & Cristina Saiz |
-
O Cisne recorre un ano máis á 'Operación Quilómetro' para custear a viaxe dos seus cadetes ao Sector Nacional
Por Diego Espiño |
-
Un Cisne de dúas caras rasca un empate en Antequera (31-31)
Por Almu Dapena |
-
Triunfo cómodo e solvente do Cisne contra o Eón Horneo Alicante (33-25)
Por Almu Dapena & Cristina Saiz |
-
Solvente triunfo do Cisne para aumentar a confianza (27-31)
Por Almu Dapena |