La Peña presume da convocatoria de Sara Couso coa Selección Española Sub-17
Por Diego Espiño
Internacional con España en categorías inferiores de fútbol-11 e tamén de fútbol sala.
Sara Couso recibiu a chamada da Selección Española Sub-17 de Fútbol Sala tras o seu bo papel no recente Campionato de España de Seleccións Autonómicas. Unha noticia que celebra ao grande o seu equipo, o CD La Peña marinense.
É unha das 16 futbolistas convocadas polo seleccionador Iñigo Martínez para un concentración que terá lugar do 12 ao 16 de maio en Las Rozas.
É a segunda vez que é citada para o combinado nacional de fútbol sala, tras unha experiencia en idade Sub-15.
Couso leva defendendo desde os 7 anos a camiseta de La Peña, algo que compaxinou co fútbol 11 na AJ Lérez.
Durante a concentración nacional a Selección Española ten previsto realizar varias sesións de adestramento e tamén disputar un encontro amigable o mércores 15 de maio fronte ao CD Chiloeches, da Segunda División.