Yago Iglesias: "Volver a San Lázaro e velo de granate será o máis bonito de todo"
Por Almu Dapena
Catro xornadas restan de tempada e dentro do Pontevedra Club de Fútbol xa se empeza a notar. "A xente sabe o momento no que estamos. É un grupo moi alegre e ten moi bo rollo e a verdade é que se nota aínda máis. O ambiente é máis distentido, xa falta pouco para cumprir os obxectivos", recoñeceu este venres en rolda de prensa Yago Iglesias.
E é que o obxectivo do ascenso está xa un pouco máis preto para o conxunto granate, que por suposto viaxa a Santiago coa idea de "sumar de tres sen ter que pensar no que fan os demais".
De feito, o Pontevedra chegará á súa cita contra o Compostela (domingo, 16:30 horas) sabendo o resultado entre Ourense e Coruxo (sábado, 18:00 horas) e, aínda que se trata "dun partido máis", un empate ou unha derrota do cadro ourensán beneficiaría con fartura os granates.
A pesar diso, Yago Iglesias di que "temos que centrarnos no noso e illarnos, seguir a folla de roteiro que levamos ata a data e non volvernos tolos".
En canto ao choque en Santiago e o desprazamento masivo da afección granate, o adestrador recoñeceu que "estamos a sentir que vai haber movemento. Sempre que xogamos preto fixéronse sentir".
"Será un duelo bonito, é un derbi que cumpre moitos requisitos para chamar a atención. Por historia, polos nomes dos clubs... Ao principio de tempada daban aos dous equipos como favoritos para aspirar a todo, ademais estamos nun momento da tempada con moitos alicientes", engadiu. Neste caso, para Iglesias, "volver a San Lázaro e velo de granate será o máis bonito de todo".
Ademais, "non vai ser un partido nada fácil", admitiu o técnico. "Teñen un persoal longo e de moitísimo nivel estea quen estea. Cando viñeron aquí tiñan baixas, entraron outros xogadores e custounos moitísimo", lembrou.
Por iso, pese ao cambio de adestrador "o persoal é a que é. Non vemos nomes a nivel individual senón que analizamos o colectivo e o club en si. Nas últimas dúas semanas cambiaron a dinámica e vánnolo a poñer complicado".
Relacionadas:
-
Yago Iglesias: "Continuamos na loita e na pelexa e dependendo de nós"
Por Cristina Saiz & Redacción |
-
Empate amargo do Pontevedra contra o Compostela (2-2)
Por Almu Dapena & Cristina Saiz |
-
Camiño dun dos maiores desprazamentos de afeccionados granates dos últimos anos
Por Diego Espiño |
-
Tres xogadores do Compostela, sancionados para a visita do Pontevedra
Por Diego Espiño |
-
Chiqui arenga á afección: "Cada campo de Galicia que imos fan un mini-Pasarón e iso valorámolo moitísimo"
Por Diego Espiño |
-
Habilitan un segundo autobús gratuíto para acompañar o Pontevedra en Santiago de Compostela
Por Redacción |
-
O contador da ampliación de capital do Pontevedra, en marcha
Por Diego Espiño |
-
Abonados á 'media inglesa' para achegarse ao ascenso
Por Diego Espiño |
-
A 'Marea Granate' prepara a invasión do Vero Boquete
Por Diego Espiño |
-
Traballado triunfo do Pontevedra ante o Covadonga para volver ser líder en solitario (2-0)
Por Almu Dapena & Cristina Saiz |