Dous goles no segundo tempo para asaltar os postos de play-off
Por Almu Dapena
O Poio Pescamar sumou este sábado a súa sexta vitoria consecutiva e aproveita a derrota do Alcorcón ante o Marín Futsal para asaltar os postos de play-off polo título de liga.
Pero para conseguilo, o conxunto conserveiro tivo que sufrir contra un Ourense Envialia ben posicionado que non estaba disposto a ceder en ningún momento.
De feito, a primeira ocasión do encontro non chegou ata o minuto catro de xogo tras un envío de Laura Uña que a punto estivo Ale de Paz de transformar.
Despois desa acción de perigo chegou outra de Rocío Gómez, que estrelou o esférico contra o lateral da rede, e unha máis de Laura Uña que parou sen problemas Sara Soares. Tamén Saki probou sorte picando o esférico, pero foise alto, e Ale de Paz cun tiro cruzado que se foi a córner.
Co empate a cero comezou o segundo tempo. Ale de Paz tivo nas súas botas aos dous minutos o 0-1 nun man a man con Sara Soares, pero a gardameta local tapou á perfección para evitalo. O mesmo fixo Elena na portería contraria ante Sara Moreno, evitando o gol dun Ourense que apenas xerara.
O Poio Pescamar, pola súa banda, atopaba o tanto aos 24 minutos de xogo tras un saque lateral de Laura Uña que Irene rematou ao interior da rede.
O partido xa estaba onde querían as xogadoras vermellas, pero as locais non querían deixar escapar o partido e viñeron arriba co 0-1.
Ana Rivera puxo a proba a Elena, pero a porteira detivo, e pouco despois Jenny Lores cun sutil toque obrigou á gardameta para intervir e mandar a córner.
E cando mellor estaba a xogar o Ourense chegou o segundo tanto do Poio Pescamar por medio de Ale de Paz, que cortou o pase da porteira e anotou desde campo propio.
Optou polo xogo de cinco o cadro local a falta de pouco máis de tres minutos para o final, pero as xogadoras conserveiras mantivéronse firmes en defensa para conseguir un novo triunfo que lle permite asaltar o cuarto posto da clasificación.
Consulta a acta nesta ligazón
Relacionadas:
-
'Manita' do Poio Pescamar ao Roldán para manterse en postos de play-off
Por Redacción |
-
Yuria Suto, de Xapón a adestrarse co Poio Pescamar
Por Redacción |
-
Fixadas en 5 euros as entradas para a final da Copa Galicia entre Poio Pescamar e Marín Futsal
Por Redacción |
-
A final da Copa Galicia entre Poio Pescamar e Marín Futsal xogarase no pavillón de Príncipe Felipe
Por Redacción |
-
Silvia Aguete e dúas xogadoras do Poio Pescamar, convocadas por España para un torneo cuadrangular en Portugal
Por Redacción |
-
Triunfo de ouro do Poio Pescamar para soñar co play-off (0-3)
Por Almu Dapena |
-
O último tren cara ao play-off do Poio Pescamar pasa por Alcorcón
Por Redacción |
-
Recital goleador na Seca e triunfo para o Poio Pescamar ante o Viaxes Amarelle (5-4)
Por Redacción & Cristina Saiz |
-
Marta Peñalver rompe o cruzado do seu outro xeonllo once días despois de volver xogar
Por Diego Espiño |