![](/web/cache/scene/uploads/fotos/foto/ec7/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/65e5afc48b-whatsapp-image-2024-03-04-at-11.17.52.jpeg)
© Concello de Pontevedra
Unha xornada de escalada e orientación deportiva para "romper esa brecha, que as mulleres poden facer calquera tipo de deporte"
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/171/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/65e5afb08d-whatsapp-image-2024-03-04-at-11.17.53.jpeg)
© Concello de Pontevedra
O Club Aromon Pontevedra súmase á programación do Día Internacional da Muller propoñendo para o sábado 9 de marzo unha xornada de promoción da escalada e a orientación deportiva para nenas e mulleres de todas as idades que se celebrará no pavillón Multiusos e na Illa das Esculturas.
A actividada, presentada este luns no Concello de Pontevedra, constará de dúas quendas, de 9.30 a 11.30 horas e de 11.30 a 13.30 horas, con 80 prazas que "se cubriron en tres días", confirmou o vicepresidente da entidade deportiva, Manuel Beloso.
"Non é unha competición, o que buscamos é romper esa brecha, que as mulleres poden facer calquera tipo de deporte", defendeu.
Ao seu lado a edil de Deportes e Igualdade, Anabel Gulías, incidiu na importancia "de que as mulleres sigamos conquistando espazos".
Unha presenza da muller na orientación deportiva e sobre todo na escalada que se consolidou no Club Aromon ata o punto de que o 50% das prazas coas que conta na súa escola deportiva municipal corresponden a nenas de diferentes idades, unha porcentaxe que baixa ao 35% no caso das clases de adultos pero que foi aumentando nos últimos anos, sobre todo tras a inclusión da escalada no programa olímpico e a maior exposición mediática que iso provocou nunha modalidade apta para todos os públicos.
Relacionadas:
-
Histórica sétima praza para Mateo Rodríguez no Mundial junior de orientación a pé
Por Redacción |
-
Montse Lamas Castro, traballadora de servizos funerarios, recibirá o Premio 8 de Marzo da UGT
Por Redacción |
-
Abel Losada reivindica o valor da igualdade laboral no inicio da semana do 8M
Por Oskar Viéitez & Mónica Patxot |
-
"Feminismo" como eixo da campaña para o 8M: "É imprescindible para mellorar a sociedade na que vivimos"
Por Almu Dapena |