Dez xornadas de infarto para decidir o ascenso: este é o camiño de Pontevedra, Ourense e Zamora
Por Diego Espiño
Coa derrota en Pasarón do pasado domingo a clasificación da Segunda RFEF apertouse ao máximo entre os tres candidatos á primeira posición, separados por só un punto cando restan 30 por xogar.
A parte positiva para o Pontevedra é que segue a depender de si mesmo para conseguir a primeira praza, e é que aínda que caese á segunda posición con 49 puntos, os mesmos que o terceiro Zamora, está a só un (50 puntos) dun Ourense CF que aínda debe visitar o Estadio Municipal de Pasarón (21 de abril, xornada 32).
É un dos encontros marcados en vermello no calendario que lle resta por xogar aos granates, pero non o único, porque no seu horizonte aparecen tamén a visita á Boa Vila dun Real Avilés que aínda soña coa fase de ascenso ou os desprazamentos a Santiago para medirse ao Compostela e ao campo do Rayo Cantabria, estes dous últimos equipos en zona de play-off aínda que xa descartados da pelexa por un liderado (están a 15 e 14 puntos respectivamente do primeiro posto).
No caso do actual líder, o Ourense, no seu camiño destacan varias saídas complicadas, ademais da de Pasarón, xa que tamén deben visitar ao Langreo (sexto), Guijuelo (sétimo) e Real Avilés (oitavo), todos eles inmersos na pelexa por entrar no play-off.
Por último o Zamora, empatado co Pontevedra a 49 puntos pero co average perdido cos granates, tamén teñen por diante varios desprazamentos como os que afrontará aos campos de Real Aviles (oitavo), Rayo Cantabria (cuarto) ou Langreo (sexto).
Este é o camiño completo dos tres candidatos ao primeiro posto nas dez últimas xornadas do campionato regular.
Calendario do Pontevedra CF nas dez últimas xornadas
X.25: Oviedo Vetusta (Fóra)
X.26: Real Avilés (Casa)
X.27: Rayo Cantabria (F)
X.28: Marino Luanco (C)
X.29: Arandina (F)
X.30: Covadonga (C)
X.31: Compostela (F)
X.32: Ourense CF (C)
X.33: Deportivo Fabril (F)
X.34: Racing Villalbés (C)
Calendario do Ourense CF
X.25: Racing Villabés (Casa)
X.26: Gimnástica Torrelavega (Fóra)
X.27: Valladolid Promesas (C)
X.28: Langreo (F)
X.29: Cayón (C)
X.30: Guijuelo (F)
X.31: Coruxo (C)
X.32: Pontevedra CF (F)
X.33: Oviedo Vetusta (C)
X.34: Real Avilés (F)
Calendario do Zamora CF
X.25: Deportivo Fabril (C)
X.26: Oviedo Vetusta (F)
X.27: Racing Villlabés (C)
X.28: Real Avilés (F)
X.29: Gimnástica Torrelavega (Casa)
X.30: Rayo Cantabria (Fóra)
X.31: Valladolid Promesas (C)
X.32: Marino Luanco (F)
X.33: Langreo (F)
X.34: Arandina (C)
Relacionadas:
-
Charly López, a unha xornada dunha marca con poucos precedentes na historia granate
Por Diego Espiño |
-
A mala sorte do Oviedo Vetusta, aliada do Pontevedra (2-3)
Por Almu Dapena |
-
Yago Iglesias apunta ao mes de marzo como "clave" en "unha liga de dez xornadas" cara ao ascenso
Por Diego Espiño |
-
O Real Oviedo retransmitirá en aberto o partido do seu filial contra o Pontevedra
Por Redacción |
-
Yelko Pino: "Despois de cada derrota o equipo saíu reforzado"
Por Diego Espiño |
-
Yago Iglesias: "Non tivemos a eficacia destes días e o Zamora tivo tres e marcou tres"
Por Almu Dapena & Cristina Saiz |
-
Paso atrás do Pontevedra, que perde o liderado ante o Zamora (1-3)
Por Almu Dapena & Cristina Saiz |