Santi Gegunde, segunda fichaxe de inverno no Arosa: "Poden ser uns meses bonitos de final de liga"
Por Diego Espiño
As últimas horas do mercado de fichaxes están a ser movidas no Arosa, e é que o club arlequinado presentou este mércores á que é a súa segunda incorporación.
Trátase de Santi Gegunde, dianteiro que esta campaña estaba a defender as cores do Racing Club Villalbés en Segunda RFEF.
Gegunde ocupa a última ficha sénior dispoñible na entidade de Vilagarcía, na que aterra coa intención de repetir o ascenso conseguido o curso pasado en Vilalba.
"Poden ser uns meses bonitos de final de liga. Faime ilusión poder vivir esta etapa final da tempada aquí e pelexar polo ascenso", recoñeceu durante a súa presentación oficial, no estadio da Lomba.
O atacante, de 30 anos, conta cunha ampla traxectoria ás súas costas en Terceira División / Terceira RFEF, mentres que en Segunda Federación esta tempada sumaba 16 participacións en liga (641 minutos) nos que axudou o seu equipo cun gol.
Tanto Santi Gegunde como Iñaki Leonardo, xogador presentado o martes, están en condicións de poder debutar co Arosa a próxima xornada de liga, o domingo 4 de febreiro no campo do Celta C Gran Peña.
Relacionadas:
-
Triunfo do Arosa ante o Barbadás para escalar á terceira praza (0-2)
Por Redacción |
-
Debut con gol de Santi Gegunde para dar os tres puntos ao Arosa (1-0)
Por Redacción |
-
Trompazo do Arosa na casa do Gran Peña-Celta C (3-0)
Por Redacción |
-
Iñaki Leonardo reforza o Arosa para "axudar a que volva á categoría que merece"
Por Diego Espiño |
-
Traballado punto do Arosa ante o Rápido de Bouzas (1-1)
Por Redacción |
-
O Arosa anuncia os abonos para a segunda volta
Por Redacción |