Debut con gol de Santi Gegunde para dar os tres puntos ao Arosa (1-0)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O debut de Santi Gegunde co Arosa non puido ser mellor: gol e vitoria para o seu equipo na Lomba.
O conxunto arlequinado tivo que sufrir para conseguir os tres puntos ante o pechacancelas Arzúa, que a pesar de practicamente non xerar ningún tipo de perigo en área local, tivo ao seu porteiro Jose Leobalde como gran salvador da tarde.
E é que o Arosa tivo suficientes ocasións para ampliar a distancia e asinar unha avultada goleada, pero Leobalde impediuno.
O partido complicouse e aos locais entráronlle as présas ata que Santi Gegunde, que entrou no descanso por Rubo Blanco, apareceu para facer o único tanto pasada a hora de xogo.
Con este resultado, o Arosa suma tres puntos de ouro para manterse no cuarto posto da clasificación e meter presión á UD Ourense, que empatou ante o Viveiro, e está a tan só un punto dos arlequinados.
Consulta a acta nesta ligazón