O Logroñés rompe con Jannick Buyla tras ser relacionado co intento de compra do Badajoz-Pontevedra
Por Diego Espiño
"A Sociedad Deportiva Logroñés e o futbolista Jannick Buyla finalizan a súa relación contractual. O club agradece o xogador o seu traballo durante estes meses".
Con este conciso comunicado publicado en redes sociais a SD Logroñés, equipo que milita en Primeira RFEF, confirmou a ruptura do contrato que lle unía con Jannick Buyla, xogador colocado no centro da investigación por un presunto intento de compra do partido entre Badaxoz e Pontevedra da pasada tempada.
COMUNICADO |
— SD Logroñés (@SDLogrones) January 29, 2024
La Sociedad Deportiva Logroñés y el futbolista Jannick Buyla finalizan su relación contractual.
El club agradece al jugador su trabajo durante estos meses.#SomosDelLogroñés pic.twitter.com/iL7pwvtHZE
O centrocampista, que se atopaba ata o domingo disputando a Copa de África con Guinea Ecuatorial, foi sinalado como o futbolista que supostamente contactou con David Soto na previa do duelo entre o equipo pacense e o Pontevedra, deslizando a posibilidade de arranxar o resultado do encontro a cambio dun contrato para a seguinte tempada.
Dáse a circunstancia que Buyla e Soto compartían a pasada campaña axencia de representación, estando relacionado no caso precisamente un dos axentes da citada axencia e que foi despedido tras a denuncia do entón xogador granate.
O caso está a ser investigado polo Xulgado de Instrución número 3 de Badaxoz.
Relacionadas:
-
Jannick Buyla, detido pola Policía Nacional polo presunto intento de compra do Badajoz-Pontevedra
Por Diego Espiño |
-
O Badajoz pronúnciase sobre o suposto intento de compra ao Pontevedra: "Reprobamos as acusacións á nosa institución"
Por Diego Espiño |
-
Un dos sinalados polo intento de compra do Badajoz-Pontevedra deféndese: "Estou convencido da miña inocencia"
Por Diego Espiño |
-
Así manexou o vestiario granate o intento de compra do Badajoz: Reunión no hotel e comunicación ao club e a AFE
Por Diego Espiño |
-
Investigan o intento de compra do Badajoz-Pontevedra en Primeira RFEF
Por Diego Espiño |