O Badajoz pronúnciase sobre o suposto intento de compra ao Pontevedra: "Reprobamos as acusacións á nosa institución"
Por Diego Espiño
Tres días tardou o Club Deportivo Badajoz en pronunciarse publicamente tras saltar á luz o presunto intento de compra do partido que enfrontou á entidade pacense co Pontevedra Club de Fútbol na penúltima xornada da pasada tempada en Primeira RFEF.
A investigación aberta sinalaba cara a dous integrantes da entidade estremeña por ter supostamente contactado cos futbolistas granates David Soto e Pablo Cacharrón coa intención de arranxar o resultado do encontro.
No seu comunicado oficial, o Badajoz recoñece ter constancia da investigación xudicial "xa que fomos notificados", avanzando que no momento no que se tivo coñecemento da mesma iniciouse unha investigación interna paralela e "profunda a todos os niveis sen atopar evidencia algunha".
| Investigación Badajoz-Pontevedra.
— CD Badajoz (@CDBadajoz) January 26, 2024
https://t.co/VCGqGqJ6cZ pic.twitter.com/llRWnPuZrt
Por iso desde o club pacense "reprobamos as acusacións á nosa institución e apoiamos incondicionalmente aos nosos empregados e equipo", sinala o texto.
Por último o Badajoz asegura estar "ao dispor da xustiza para esclarecer calquera feito" e solicita "respectar os procesos xudiciais e non acelerar conclusións na opinión pública xa que estamos certos que a resolución final aclarará toda a situación".
Relacionadas:
-
Jannick Buyla, detido pola Policía Nacional polo presunto intento de compra do Badajoz-Pontevedra
Por Diego Espiño |
-
O Logroñés rompe con Jannick Buyla tras ser relacionado co intento de compra do Badajoz-Pontevedra
Por Diego Espiño |
-
Empate en Langreo do Pontevedra e perda de liderado (0-0)
Por Almu Dapena |
-
Un dos sinalados polo intento de compra do Badajoz-Pontevedra deféndese: "Estou convencido da miña inocencia"
Por Diego Espiño |
-
Así manexou o vestiario granate o intento de compra do Badajoz: Reunión no hotel e comunicación ao club e a AFE
Por Diego Espiño |
-
Investigan o intento de compra do Badajoz-Pontevedra en Primeira RFEF
Por Diego Espiño |