Cambio de horario para o Teucro-Ereintza, que pasa á mañá do domingo
Por Redacción
Recordando vellos tempos, nos que a afección azul acudía relixiosamente as mañás dos domingos ao Pavillón Municipal dos Deportes, a Sociedad Deportiva Teucro recuperará este fin de semana ese horario dominical (12:00 horas).
O motivo que empurrou o club pontevedrés é a celebración no mesmo escenario, os días 14 e 15 de febreiro, do Campionato de España Júnior de Taekwondo.
O rival dos de Javier Barrios será o último clasificado, o equipo vasco do Ereinzta, nun partido no que os teucristas buscarán a súa terceira vitoria consecutiva para manterse nos postos de privilexio dunha igualada División de Honra Prata.