O TM Monte Porreiro morre na beira fronte a Les Borges Vall (2-4)
Por Diego Espiño
Cada xornada na Superdivisión masculina é un exercicio de resistencia e amor propio do Tenis de Mesa Monte Porreiro, gravemente afectado esta tempada polas lesións.
A pesar das ausencias de homes importantes o conxunto pontevedrés segue a dar a cara na máxima categoría, como demostrou este domingo no pavillón de Príncipe Felipe a pesar de caer derrotado fronte a Les Borges Vall (2-4).
O Visit Pontevedra rozou cos dedos canto menos o empate, e é que tras perder o primeiro partido da xornada púxose 2-1 arriba cos triunfos de Martín Betancor sobre o visitante Gui Chenkai e de Miguel Ángel Vílchez fronte a Marc Durán.
Con vantaxe parcial no marcador chegou o duelo clave do día, o que enfrontou o local Martín Betancor con Norbert Tauler. Unha vitoria nese partido garantía canto menos as tablas, e Betancor estivo moi preto de gañar cedendo finalmente nun emocionante e apertado partido a cinco mangas (9-11, 11-8, 11-6, 6-11 e 9-11).
O Borges puxo o 2-2 e terminou decantando a balanza ao seu favor nos dous últimos choques, nos que Pedro Fernández e Miguel Ángel Vílchez non lograron puntuar.
A pesar da derrota o Monte Porreiro mantense na cuarta posición da Superdivisión masculina con 16 puntos.
Relacionadas:
-
Picada do TM Monte Porreiro contra o Arteal Santiago (4-2)
Por Redacción |
-
Importante triunfo do TM Monte Porreiro fronte a L'Escala para recuperar o ritmo na Superdivisión
Por Redacción |
-
Táboas para o TM Monte Porreiro na súa visita ao Collado Mediano
Por Diego Espiño |
-
Vitoria do TM Monte Porreiro para manterse na terceira praza da Superdivisión masculina (4-2)
Por Redacción & Cristina Saiz |
-
Empate do TM Monte Porreiro fronte ao Irún para arrancar o ano na Superdivisión masculina
Por Diego Espiño & Cristina Saiz |
-
O TM Monte Porreiro supera o Hortitec Alzira e despide o ano en terceira posición (0-4)
Por Redacción |
-
Éxito organizativo e de medallas para o TM Monte Porreiro no Preestatal de tenis de mesa
Por Almu Dapena & Cristina Saiz |
-
Adeus á aventura europea do TM Monte Porreiro: o Arteal leva o pase á seguinte rolda da Europa Trophy Cup
Por Redacción & Mónica Patxot |
-
Segunda derrota consecutiva dun TM Monte Porreiro 'tocado' pola grave lesión de Nico Galvano
Por Diego Espiño |