Triunfo do Arxil ante o Mataró para prolongar o seu bo momento (54-58)
Por Redacción
O Club Baloncesto Arxil fixo os deberes no primeiro dos dous partidos que ten que xogar en menos de 24 horas, sumando a súa sétima vitoria consecutiva para prolongar así o seu bo momento en Liga Feminina 2.
O conxunto pontevedrés superou ao Mataró tras un inicio case impecable que lle valeu para manterse por diante no marcador durante todo o encontro.
E é que o Arxil, comandado por Nerea Liste en ataque e Forster en defensa impúxose por 9-22 no primeiro cuarto, logrando así unha vantaxe ampla e cómoda de fronte ao devir do partido.
Tentou reaccionar o cadro catalán a partir dese momento pero os esforzos eran insuficientes, xa que as verdes, a pesar de fraquear en defensa, seguían acertando de fronte ao aro e dominaban no luminoso.
O Mataró continuou reducindo a diferenza despois do descanso e conseguiu, a falta de dous minutos para a conclusión, colocarse a tan só catro puntos do empate, pero o acerto desde a liña de tres de Marta Fernández obrigou ao ténico local a parar o tempo (51-58).
A situación parecía que xa estaba controlada, pero Marta Oliver respondeu anotando tamén de tres cando aínda quedaban minuto e medio para o final, facendo que o triunfo do Arxil empezar a pender dun fío. Con todo, Mayte Méndez e as súas xogadoras souberon xogar mellor as súas cartas e fixéronse co triunfo por 54-58.
O equipo pontevedrés xogará este domingo ás 16:00 horas contra o GEiEG de Xirona o último partido do ano.
Consulta as estatísticas nesta ligazón
Relacionadas:
-
Tropezo do Arxil en León (86-79)
Por Redacción |
-
Solvente triunfo do Arxil ante o Tenerife (79-46)
Por Redacción |
-
Pilas cargadas no Arxil para recibir este domingo o Tenerife
Por Redacción |
-
O XVII Cidade de Pontevedra de baloncesto queda na casa
Por Redacción |
-
Vacacións ata o 2 de xaneiro para un Arxil que despide o ano de bo humor
Por Redacción |
-
Reacción tardía do Arxil e derrota en Xirona (74-64)
Por Redacción |
-
Milagros Sanmartín, presidenta do Arxil outros catro anos máis
Por Redacción |
-
Unha dobre xornada para poñer a proba o bo momento do Arxil
Por Redacción |
-
O Arxil segue imparable e suma en Tenerife o seu sexto triunfo consecutivo (67-85)
Por Redacción |
-
Quinta seguida do Arxil vencendo o ADBA no CGTD (57-50)
Por Redacción & Cristina Saiz |