Unha dobre xornada para poñer a proba o bo momento do Arxil
Por Redacción
O Club Baloncesto Arxil vive o seu mellor momento da tempada na Liga Feminina 2.
O conxunto pontevedrés suma seis vitorias consecutivas no campionato que lle fixeron levantarse ata os postos de play-off de ascenso, e só o intratable ata a data Segle XXI (10 vitorias e ningunha derrota) mantén un mellor estado de forma.
Cun partido menos que os seus rivais o Arxil é quinto e con posibilidades de empatar coa segunda posición.
Nesta circunstancia as de Mayte Méndez afrontan un esixente exame na última semana de competición do ano, antes do parón de Nadal, e é que deben xogar dous encontros en menos de 24 horas.
Así o pactou o propio Arxil co GEiEG tras aprazar en novembro o partido entre ambos os dous equipos. Por iso as verdes farán 2x1 en Cataluña medíndose o sábado 16 (17.00 horas) a domicilio ao Mataró e facer o propio o día seguinte, o domingo 17 (16.00 horas) contra o GEiEG en Xirona.
Toda unha proba ao carácter dun equipo que superou un complicado inicio de tempada e sobrepúxose aos problemas físicos de varias das súas xogadoras importantes.
Relacionadas:
-
Reacción tardía do Arxil e derrota en Xirona (74-64)
Por Redacción |
-
Triunfo do Arxil ante o Mataró para prolongar o seu bo momento (54-58)
Por Redacción |
-
Milagros Sanmartín, presidenta do Arxil outros catro anos máis
Por Redacción |
-
O Arxil segue imparable e suma en Tenerife o seu sexto triunfo consecutivo (67-85)
Por Redacción |
-
Quinta seguida do Arxil vencendo o ADBA no CGTD (57-50)
Por Redacción & Cristina Saiz |
-
Aprobado o calendario electoral á presidencia do Arxil
Por Redacción |
-
Traballado triunfo do Arxil ante o Magec Tías (61-70)
Por Redacción |