Aberta a mostra en Cuntis dos pintores Laureano Troitiño e Emilio Valdueza
Por Redacción
A Casa da Cultura Roberto Blanco Torres en Cuntis acolle durante estas semanas a exposición pictórica dos artistas Laureano Troitiño e Emilio Valdueza.
Permanecerá aberta ata o xoves 31 de agosto, en horario de 09.00 a 14.00 horas, de luns a venres, con entrada libre.
Manuel Campos, alcalde de Cuntis, que asistía á inauguración, convida á cidadanía e aos turistas para visitar esta mostra artística na que se recollen pezas realistas e hiperrealistas que recollen motivos galegos.