Doce días para visitar obras de Uxía Gonzalo Salgueiro e Uxía Caneda con banda sonora propia
Por Redacción
Desde este mércores 5 ata o domingo 16 de abril, a Sala Nauta acolle a exposición 'Son (do verbo ser)', de Uxía Gonzalo Salgueiro e Uxía Caneda.
Trátase dunha mostra inmersiva que une a visualización das obras cunha banda sonora propia. Combínanse texturas, olores, viño e realidade aumentada.
Paz Lago, concelleira de Cultura de Sanxenxo, destacaba na inauguración que se trata dunha proposta "diferente e nova que Sanxenxo tiña que apoiar".
Ao longo desta mostra obsérvanse seis cadros que viran en torno ao recordo e o sentimento de nostalxia, empregando elementos da paisaxe das Rías Baixas.
A entrada é libre e as visitas realízanse a través de pases cunha duración de dez minutos coa música como guía entre as obras que ofrecen diferentes técnicas creativas para trasladar ás persoas visitantes a espazos e momentos diversos.