Zarzuela galega para conmemorar o Día de Rosalía no campus de Pontevedra
Por Redacción
O xoves 23 de febreiro celébrase o Día de Rosalía e o campus universitario de Pontevedra súmase á conmemoración cun acto que se celebrará na Casa das Campás esa mesma xornada a partir das 20.30 horas.
A Asociación de Gaiteiros Galegos e a Fundación Rosalía de Castro solicitan nos últimos anos que nesa data se interprete unha "alborada" en homenaxe á autora de 'Follas Novas'. Desde a Universidade de Vigo, a través da Vicerreitoría de Pontevedra, asumen o reto e durante o acto a soprano Loli Crespo e o pianista Alejo Amoedo ofrecerán unha versión musical do poema 'Alborada', nun evento que percorrerá a evolución da zarzuela en Galicia.
O acto contará coa conferencia sobre este xénero musical escénico a cargo do musicólogo e profesor no Conservatorio Superior de Música de Vigo, Javier Jurado. A continuación comezará o recital de Crespo e Amoedo ofrecendo diversas pezas baseadas en poemas de Rosalía de Castro. A sesión servirá tamén para facer un percorrido sobre o libro-disco 'Saudades d'alborada', editado por Jurado, segundo recolle o DUVI.
Luis Torres, director de área adxunta á Vicerreitoría, sinala que este acto centrado na zarzuela galega pretende dar visibilidade a este xénero musical, xa que en Galicia foi abordado por compositores como Reveriano Soutullo.
A entrada será libre ata completar a capacidade do recinto.
Relacionadas:
-
As augas de Caldas que obraron en Rosalía de Castro "un verdadeiro milagre"
Por Redacción |
-
Poio celebrará o Día de Rosalía con contacontos e a lectura pública da súa obra
Por Oskar Viéitez |
-
Pontevedra sairá o Día de Rosalía á busca da estrela que leva o seu nome
Por Redacción |
-
Poesía e teatro en Bueu polo Día de Rosalía
Por Redacción |
-
A Deputación celebrará "por todo o alto" o Día de Rosalía
Por Oskar Viéitez |