A compañía Nova Galega de Danza ofrecerá o vindeiro venres 5 de agosto ás 21.00 horas o espectáculo 'Leira no Camiño' no Edificio de Usos Náuticos da Illa de Arousa.

Trátase dunha montaxe que forma parte da programación 'Bailando a Terra', que promove a Deputación de Pontevedra. A proposta, artisticamente dirixida por Jaime Pablo Díaz, relaciona a dura beleza dos labores do campo coa danza e a presenza da muller en relación cos fenómenos naturais. A coreografía inclúe instrumentos de labranza nun espectáculo de danza e música en que os corpos e a terra combínanse.

A entrada é libre ata completar a capacidade do recinto.

BAIONA GALICIA EN DANZA ACTUARÁ EN POIO

Na xornada do sábado 6 de agosto, a programación trasládase ao xardín da Capela da Virxe da Renda, no municipio de Poio. Neste espazo, a Escola de Baiona Galicia en Danza ofrecerá a montaxe 'As 4 estacións'.

Trátase dunha función na que se combinan elementos da danza contemporánea, o ballet, o jazz e a danza tradicional. A proposta poderase ver a partir das 20.30 horas.