A quinta Xornada de Onomástica que organiza a RAG poderá seguirse por streaming
Por Redacción
O Museo de Pontevedra acollerá o 7 de novembro a quinta edición das Xornadas de Onomástica que organiza a Real Academia Galega e que versará este ano sobre os nomes das marcas comerciais.
O programa contará con voces da filoloxía e a dinamización lingüística xunto a outras do mundo da creación de marcas como a zoqueira Elena Ferro. O evento poderá seguirse de forma presencial e tamén online, sendo necesario formalizar a inscrición antes do 1 de novembro.
No encontro examinaranse algúns dos sectores implicados na creación de nomes comerciais, o valor das marcas galegas, as estratexias de márketing empregadas e as oportunidades pedagóxicas que ofrece este material para traballar na aula.
A xornada comezará cun relatorio sobre a denominación da disciplina dedicada ao estudo dos nomes das marcas a cargo do coordinador do Seminario de Onomástica e outro sobre o valor dos nomes para as marcas. Logo analizaranse os rescursos lingüísticos das amrcas comerciais e tamén a relación das marcas coa paisaxe lingüísitco. Ademais falarase tamén sobre diversos casos particulares de éxito.
Relacionadas:
-
"Os nomes dos lugares e das persoas teñen a crónica da nosa identidade, a memoria da nosa historia"
Por Redacción |
-
A Real Academia Galega afonda nos nomes dos lugares do Camiño de Santiago na VI Xornada de Onomástica
Por Redacción |
-
Formato exclusivamente telemático para a Xornada de Onomástica da Real Academia Galega
Por Redacción |
-
O Museo organiza unha mesa redonda sobre 'A Revista Nós: a romaría das palabras'
Por Redacción |
-
O Museo de Pontevedra organiza unha "semana lorquiana" para divulgar a relación de Lorca con Galicia
Por Redacción |
-
A quinta Xornada de Onomástica Galega estará dedicada aos nomes comerciais
Por Redacción |