"Os nomes dos lugares e das persoas teñen a crónica da nosa identidade, a memoria da nosa historia"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/49f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/616ae8e5a8-211016_inauguracion-vi-xog_01.jpg)
© Real Academia Galega
![](/web/cache/scene/uploads/fotos/foto/aff/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/616ae91859-211016_inauguracion-vi-xog_05.jpg)
© Real Academia Galega
![](/web/cache/scene/uploads/fotos/foto/9c6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/616ae92dc3-211016_inauguracion-vi-xog_12.jpg)
© Real Academia Galega
"Os nomes dos lugares e das persoas teñen a crónica da nosa identidade, a memoria da nosa historia". Estudalos e coñecelos é unha maneira de viaxar polo que somos e, sobre todo, polas raíces do que somos, que tamén é un xeito de pensar e entender o que queremos ser ", destacou o presidente da Real Academia Galega, Víctor F. Freixanes na VI Xornada de Onomástica Galega reuniu este sábado no Museo de Pontevedra especialistas de distintos ámbitos que profundaron na onomástica a través do Camiño de Santiago.
Estes especialistas detivéronse en como se forxou e se espallou o propio nome de Santiago dende a Idade Media como símbolo de identidade de Galicia, na súa pegada nos nomes propios e apelidos, na toponimia a través do Códice Calixtino ou na evolución semántica dos corónimos Galicia e España, entre outros asuntos.
O encontro rematou cunha mesa redonda na que se debateu sobre o liderado que Galicia pode asumir no eido da investigación onomástica.
A académica Luz Méndez coordinou as xornadas xunto á académica numeraria electa Ana Boullón.
Freixanes e a deputada de Lingua da Deputación de Pontevedra, María Ortega; o director do Museo de Pontevedra, José Manuel Rey; e a propia Luz Méndez, representantes das tres institucións que dende 2016 organizan as Xornadas de Onomástica Galega, inauguraron esta sexta edición do encontro, aberto ao público para a participación tanto presencial, no Edificio Castelao, como en liña, a través da páxina web da Real Academia Galega.
Relacionadas:
-
Últimos días para apuntarse na VII Xornada de Onomástica Galega que se celebrará no Museo
Por Redacción |
-
A Real Academia Galega afonda nos nomes dos lugares do Camiño de Santiago na VI Xornada de Onomástica
Por Redacción |
-
Formato exclusivamente telemático para a Xornada de Onomástica da Real Academia Galega
Por Redacción |
-
A quinta Xornada de Onomástica que organiza a RAG poderá seguirse por streaming
Por Redacción |