O pianista coreano Seong-Jin Cho e o Trío Arriaga, próximos concertos da Filarmónica de Pontevedra
A Sociedade Filarmónica de Pontevedra organizará dous concertos nos próximos días. O primeiro deles será o sábado día 8, ás 20:00 horas, no auditorio de Afundación de Pontevedra. O segundo terá lugar o luns 10, no Teatro Principal de Pontevedra ás 20:30 horas.
No concerto do sábado, o mestre ruso Andrey Boreyko dirixirá á Orquestra Sinfónica de Galicia que ofrecerá aos oíntes o seguinte repertorio: Abertura de Guillermo Tell, de Rossini; Concerto para piano e orquestra nº 2 de Franz Liszt; e a Sinfonía nº 15 de Shostakovich. Durante o concerto para piano e orquestra de Liszt, actuará como solista o recoñecido pianista coreano Seong- Jin Cho.
Para este concerto, a Sociedade Filarmónica de Pontevedra facilitará as entradas aos seus socios, que poderán recollelas os días 6 e 7, de 17 a 20 horas., no local da Sociedade. Para aquelas persoas que non sexan socias e que desexen asistir ao concerto, poderán obter as súas entradas a través de Ataquilla.com a partir de 15 euros.
O segundo concerto será protagonizado polo Trio Arriaga que ofrecerá dúas das obras máis emblemáticas para violín, violoncelo e piano: O Trío op. 50 de Tchaikovski e o Trío op. 67 de Shostakovich. Este trío está formado por tres solistas de fama internacional: o pianista barcelonés Daniel Ligorio, o violinista madrileño Juan Luís Gallego e o cellista vasco David Apelláni.
Relacionadas:
-
RADIO.- Ponte en el mapa: Pablo Neva, un trompista marinense na Filarmónica de Stuttgart
Por Marisa Ciordia |
-
Imanol Arias e a súa versión de "El coronel no tiene quién le escriba" chega a Pontevedra o 6 de marzo
Por Boris Rodríguez Pintos |
-
O guitarrista Enrike Solinís acompañará á Real Filharmonía de Galicia en Pontevedra
Por Sara Iglesias |
-
O Cuarteto de Corda Brentano, intérprete da banda sonora da película 'A Late Quartet', ofrece un concerto no Principal
Por Redacción |