Que fai un Santa Claus alcoholizado levando público ata as galerías da Oliva?
Por Mónica Patxot & Redacción
Pontevedra non é Milwaukee pero pode parcerselle cando un actor decide facer unha réplica de Billy Bob Thorton en 'Bad Santa' e protagonizar a Willie Stokes como o solitario alcohólico que traballa durante as festas nun centro comercial disfrazado de Santa Claus.
Con esta premisa comezou este sábado Cinema Clandestino, unha proposta do Cineclub Pontevedra para potenciar a afección ao cine en diversos espazos públicos.
Nesta ocasión, a acción comezaba cunha recreación de escenas da película na praza da Ferraría para que o público entrara en situación. A continuación, os articipantes achegáronse ata as galerías da Oliva onde puideron ver o film 'Bad Santa', unha obra de humor negro dirixida por Terry Zwigoff en 2003.
As seguintes sesións desta orixinal iniciativa serán o sábado 29, ás 20.00 horas, nas canchas deportivas de Campolongo e o venres 4 de xaneiro, tamén ás 20.00 horas, no estanque das Palmeiras. Que películas van proxectarse? Só o Cineclub pode sabelo.