A revolución, eixo central da vindeira edición do Salón do Libro no seu vixésimo aniversario
Por Paula Sanmartín & Anxo Lourido
O vixésimo aniversario do Salón do Libro Infantil e Xuvenil xa conta con datas de celebración e con temática. A revolución será a gran protagonista entre o 22 de marzo e o 12 de abril das actividades previstas no Pazo da Cultura con motivo desta efeméride.
Este mércores, a concelleira de Cultura Carmen Fouces, acompañada polo presidente de OEPLI (Organización Española para o Libro Infantil e Xuvenil) Xosé Antonio Perozo, adiantaban algúns detalles desta cita literaria pontevedresa, que segundo afirmaban converteuse nunha referencia internacional.
Fouces cualificou a revolución como un "temazo" ao estar aberto a numerosas interpretacións en relación coa literatura como elemento belixerante e combativo. "Un libro pode revolucionar o mundo ou unha vida", apuntou a responsable de Cultura.
Precisamente, nesta próxima edición a literatura lusófona terá unha especial atención e, segundo avanzaba Carmen Fouces, xa se estableceron contactos co Instituto Camões e con autores de Portugal, Brasil, Angola ou Cabo Verde coa intención de que participen no Salón que se celebrará en 2019. A concelleira sinalou que esta decisión tamén serve para dar un pulo importante ao idioma galego que "procura accións como esta para poñer enriba da mesa o luxo do idioma que temos".
II PREMIO DE ILUSTRACIÓN DO CARTEL DO SALÓN DO LIBRO
No marco desta edición está convocado o segundo premio internacional de Ilustración. O prazo para presentar traballos atópase aberto desde este mércores ata o 10 de outubro. A persoa gañadora recibirá 3.000 euros, unha dotación que asume integramente o Concello de Pontevedra. As bases xa se atopan publicadas.
A concelleira indicou que nesta edición do Salón do Libro farase un esforzo económico con motivo do 20 aniversario pero destacou que o realmente importante é a implicación de escolas, familias, editoriais e de toda unha rede de persoas que logran o éxito cada ano do Salón do Libro, que segundo Perozo, é o único "realmente internacional" no Estado superando aos organizados en Barcelona ou en Madrid.
A edición de 2018 contou cun orzamento de ao redor de 200.000 euros e máis de 30.000 persoas pasaron polo Pazo da Cultura para gozar das distintas actividades.
Relacionadas:
-
Orbil leva a revolución ao cole de Ponte Sampaio
Por Redacción |
-
O calendario do Salón do Libro, escaparate da importancia da ilustración na literatura
Por Redacción |
-
García Teijeiro, autor homenaxeado no Salón do Libro: "A poesía é fundamental para o desenvolvemento infantil"
Por Anxo Lourido |
-
A libraría Lello de Porto, testemuña do 'irmandamento' do Salón do Libro coa lusofonía
Por Alejandro Espiño |
-
A ilustradora Ana Juan, colaboradora de The New Yorker, será unha das grandes apostas culturais do 2019
Por Anxo Lourido |
-
Orbil sae de xira polas parroquias para presentar o próximo Salón do Libro
Por Redacción |
-
Unha artista de Estonia ilustrará o cartel do XX Salón do Libro Infantil e Xuvenil
Por Redacción |
-
O Salón do Libro pecha as portas tras acoller a máis de 30.000 persoas
Por Mónica Patxot & Redacción |
-
Chega o Salón do Libro, disposto a romper estereotipos sobre a muller
Por Noelia Torres Pintos |
-
Ana Villegas ilustrará o Salón do Libro tras gañar o seu concurso internacional
Por Redacción |