Sete Espadelas, a grande triunfadora no concurso do Día do Enxalzamento do Traxe Galego
Por Oskar Viéitez
A Asociación Etnográfica Sete Espadelas de Pontevedra acadou este sábado sete premios na XXXIX edición do concurso do Día do Enxalzamento do Traxe Galego organizado polo Concello de Santiago.
A asociación fíxose co galardón en sete das doce categorías entregadas, acadando os primeiros premios por Traxe de grupo de máis de 10 persoas, Traxe de home de garda, Traxe de muller de cotío, Traxe de home de cotío, Traxe de nena e Peza antiga. Ademais, conqueriu o segundo premio na categoría Traxe de home de garda.
Estes premios súmanse aos máis de 15 xa acadados en anos anteriores pola asociación pontevedresa, que naceu co obxectivo de estudar, investigar, recuperar, reproducir e divulgar a indumentaria tradicional galega.
Tamén contan no seu haber con sete Premios "Antón Fraguas" de Investigación do Traxe Tradicional Galego.
A asociación acadou un grande éxito coa súa Pasarela de Traxe Tradicional "Sete varas, un refaixo" que tras o seu estreo en xuño do 2017 no Pazo da Deputación de Pontevedra, este ano representaron en abril na Coruña, no Teatro Colón, e en xuño no Gaiás, na Cidade da Cultura de Galicia, dentro do I gran encontro de Folclore galego "Serán 01" organizado pola Consellería de Cultura.
Relacionadas:
-
Sete Espadelas obtén dous galardóns nos Premios Antonio Fraguas de Investigación do traxe galego
Por Redacción |
-
Davide Salvado e a asociación Sete Espadelas presumen de tradición no Serán'01 do Gaiás
Por Redacción |
-
A asociación etnográfica Sete Espadelas de Pontevedra enche o Teatro Colón cos traxes tradicionais
Por Redacción |
-
Os traxes galegos máis vistosos, no Casino Mercantil
Por Redacción |