Domingos do Principal di adeus mergullado no 'Mundo Lirondo'
Por Redacción & Diego Torrado
Spasmo Teatro foi o grupo encargado de poñer o broche a unha nova edición de Domingos do Principal.
A agrupación salmantina presentou en Pontevedra o espectáculo 'O Mundo Lirondo', que en 2017 recibiu o premio ao mellor espectáculo infantil na Feira de Teatro de Castela e León.
'O Mundo Lirondo' é unha viaxe cara aos recunchos máis afastados do mundo que termina de volta a casa, unha maneira divertida e emocionante de adquirir nocións básicas de xeografía, xentes e diferenzas culturais, plantas e animais, e fundamentalmente, a importancia de respectar e coidar o medio ambiente.
Por iso os protagonistas do espectáculo animaron aos máis pequenos a facer as maletas e coller a cámara de fotos para vivir unha divertida aventura.
Así, cun sorriso, a dobre representación prevista para este domingo (12:00 e 18:30 horas) baixa o pano de Domingos do Principal tras semanas de actividade, pero faino só como un punto e seguido contando as horas para regresar na súa próxima edición.
Relacionadas:
-
Domingos do Principal pecha edición con 544 espectadores de media por sesión
Por Redacción |
-
O Faiado, a nova obra de Teatro Ó Cubo, en Domingos no Principal
Por David Arana |
-
Domingos do Principal revolve conciencias con "Me llamo Suleimán"
Por Alejandro Espiño & Diego Torrado |
-
Un concerto singular para os máis cativos
Por Diego Torrado & Anxo Lourido |
-
Acrobacias e música en directo nunha nova xornada de Domingos do Principal
Por Redacción |