Mosaicos resonantes coa Banda de Música de Pontevedra no Teatro Principal
Por Diego Torrado
Continúa o Ciclo de Butaca da Banda de Música de Pontevedra, que este domingo levou ao Teatro Principal un concerto de 'Mosaicos Resonantes' con Lucía Lugrís Casares como frauta solista e Rafael Agulló Albors como mestre titular.
O ciclo, que esta tempada 2017-2018 leva por título 'Faise camiño ao andar', realízase en domingos alternos ás 12.00 horas do mediodía, agás o último de decembro, pois, por mor dos festivos de Nadal, o concerto terá lugar o xoves 28 ás 21 horas.
As citas teñen entrada ata completar aforo e adoitan ter arredor de 350 espectadores por día.
O vindeiro concerto será o 12 de novembro ás 12.00 horas no Teatro Principal baixo o título 'Melodías Porteñas'.