Motivos de saúde obrigan a suspender a obra 'Foucellas' do ciclo Ponteatro
Por Redacción
Motivos de saúde dun dos actores da compañía Talia Teatro obrigaron a suspender a función da obra Foucellas prevista para este xoves 3 de novembro no Teatro Principal.
Era a nova cita dos espectadores pontevedreses co ciclo Ponteatro e quedou aprazada ata novo aviso, pois non se puido establecer aínda unha nova data para a súa representación.
A obra Foucellas está ambientada no 1952, cando un maquis, un dos últimos guerrilleiros do monte, dos que a xente adoitaba chamar un "foucellas", atraca e secuestra un labrador e á súa muller. Protagonizada por Artur Trillo, Toño Casais, Dani Trillo e María Ordóñez, Foucellas é unha peza escrita e dirixida por Cándido Pazó que reflexiona sobre o papel da resistencia antifranquista a partir desta figura tan coñecida.
Relacionadas:
-
O "Eroski Paraíso" de Chévere pétao no Teatro Principal
Por Redacción |
-
O 'tolleito de Inishmaan' pon en pé ao público de Ponteatro
Por Redacción & Mónica Patxot |
-
O tolleito de Inishmaan visita o Teatro Principal no marco do ciclo Ponteatro
Por Redacción |
-
Os conflitos dun grupo de galegos en Londres, en Ponteatro con "Get Back"
Por Redacción |
-
"Foucellas", unha obra sobre a "resistencia" para o ciclo Ponteatro
Por Redacción |
-
Volve Ponteatro con seis obras de compañías galegas e dúas 'noites golfas'
Por Alejandro Espiño |