O violinista David Grimal dirixe á Orquesta Gaos no peche de tempada da Filarmónica
Por Redacción
A tempada de concertos da Sociedade Filarmónica de Pontevedra chega á súa fin. O Teatro Principal acollerá este luns 16 de maio, a partir das oito e media da tarde, a actuación na Orquestra Gaos, baixo a dirección do aclamado violinista francés David Grimal.
Formada por músicos de toda Galicia, na súa maioría estudantes e profesores dos principais conservatorios galegos, a Orquestra Gaos naceu en abril de 2009 e fixo a súa presentación o 14 de xullo dese mesmo ano no Teatro Colón da Coruña.
Desde a súa fundación colaboraron coa orquestra máis de 300 músicos galegos en máis do medio centenar de concertos que leva ofrecidos.
Á fronte nesta ocasión estará David Grimal, un dos violinistas máis premiados dos últimos anos e que actuou nos auditorios máis prestixiosos do mundo. Actualmente toca un Stradivarius de 1710, por cortesía de Fazendalpiranga, Mguaranesia/MG, Brasil.
O programa que se poderá escoitar neste concerto está dedicado enteiramente ao compositor Felix Mendelssohn, e confórmano a Obertura Las Hébridas, o Concerto para violín e orquestra opus 64 e a Sinfonía nº 4 Italiana.
No concerto para violín actuará de solista o propio David Grimal.