O violonchelista Jirí Bárta e a pianista Terezie Fialová, en Pontevedra coa Sociedad Filarmónica
Por Redacción
A Sociedad Filarmónica de Pontevedra ofrecerá aos seus socios un concerto a cargo do dúo formado polo violonchelista Jirí Bárta e a pianista Terezie Fialová. Terá lugar o vindeiro luns 18 de abril no Teatro Principal.
A actuación de Bárta e Fialová empezará a partir das 20.30 horas e, no transcurso da mesma, interpretarán obras de Beethoven, Brahms e Rachmaninov. Jirí Bárta toca un violoncelo J. Gagliano de 1785.
Jirí Bárta fixo o seu debut internacional en 1989 coa Orquestra de Dortmund en Alemaña e, desde entón, os seus éxitos sucedéronse en todo o mundo, recibindo o Premio Europaische Forderpreis für Musik de Dresde (1991) e o Rostropovich-Hammer Precio de Los Ángeles. Como solista e en concerto con outros músicos actuou en salas como a London Wigmore Hall, Birmingham Symphony Hall, Carnegie Weill Recital Hall, Dublin Concert Hall, Mozarteum de Salzburg, Auditori de Barcelona, Teatro Colón de Buenos Aires, Teatro Chatelet de París, National Gallery de Washington e Philarmonie de Berlín.
Terezie Fialová realizou os estudos de violín e piano no Conservatorio da súa cidade natal, Brno, e posteriormente na Academia de Música de Praga. Foi premiada nos concursos internacionais Leos Janácek, Concurso Internacional de Brno, Concurso Internacional de Piano Smetana, Xornada Bohuslav Martinu de Praga e Nova Akropolis de Madrid. É membro do Eben Trío, co que gravou dous discos moi eloxiados pola crítica. Un deles foi editado en 2009 en memoria de Petr Eben.
Relacionadas:
-
O violinista David Grimal dirixe á Orquesta Gaos no peche de tempada da Filarmónica
Por Redacción |
-
O pianista coreano David Huh actuará o 11 de abril no Teatro Principal
Por Redacción |
-
A Sociedad Filármonica convida a Pontevedra ao violinista Ivan Zenaty e a pianista Sandra Shapiro
Por Redacción |
-
A Filarmónica organiza este luns un concerto do Trío Petrof
Por Redacción |