Atención festivaleiros! O SonRías Baixas regresa a Bueu os días 4, 5 e 6 de agosto de 2016
Por Redacción
Despois de dous anos de ausencia -un por motivos climatolóxicos e outro por causas organizativas-, o festival SonRías Baixas regresa a Bueu.
A asociación Troula na Banda invita de novo a todos os festivaleiros con ganas de festa a pasar pola vila os días 4, 5 e 6 de agosto de 2016. Xa se están mantendo as primeiras conversas con institucións públicas e privadas para definir o orzamento e o proxecto.
No ano 2014 o festival tivo que ser cancelado por causa da choiva e a organización anunciou a comezos deste ano que agardaría ata 2016 para retomar o proxecto.
As edicións anteriores conquistaron a máis 12.000 persoas e supuxeron para Bueu unha inxección económica de preto dun millón de euros, chegándose ao pleno de ocupación hoteleira en toda a comarca.
A particular mestura de música, praia e gastronomía nun contorno privilexiado é unha das principais marcas de identidade do SonRías Baixas, toda unha referencia do verán en Galicia e no resto do estado.
Relacionadas:
-
O SonRías Baixas enche Bueu ata o sábado de boa música e festivaleiros
Por Alejandro Espiño |
-
La Gran Pegatina, Vendetta, Chotokoeu e Gold & Colt completan o cartel do SonRías Baixas
Por Redacción |
-
Soziedad Alkoholika, La Vela Puerca, The Skarnivals e La Sra. Tomasa, ao SonRías Baixas
Por Redacción |
-
Lendakaris Muertos, Boikot, Heredeiros e Poetarras estarán no SonRías Baixas
Por Redacción |