Josema Yuste, Felisuco e Alfredo Cernuda traen o seu "Taxi" a Pontevedra
Por Redacción
Taxi, unha das comedias con maior éxito da carteleira, chega esta fin de semana a Pontevedra. A obra, protagonizada entre outros por Josema Yuste, Felisuco e Alfredo Cernuda, representarase o domingo 1 de novembro, ás 20.00 horas, no Pazo da Cultura.
Trátase dunha das funcións que integran o ciclo Summum Teatro, que se retoma con este espectáculo.
Taxi é a historia dun taxista casado con dúas mulleres, ás que dan vida as actrices Esther do Prado e Diana Lázaro, e que non é capaz de poñer fin a esta dobre vida, decidíndose por unha delas.
Con cada unha nun barrio diferente e iso obrígalle a levar unha planificación de horarios moi estrita e facer verdadeiros xogos de malabares para poder contentar a ambas, das que ademais está realmente namorado, pero todo o seu plan desvanécese cando acaba por accidente no hospital e o seu nome aparece por partida dobre na comisaría de cada distrito.
Trátase da versión española da coñecida obra de Ray Cooney, estreada en 1983 en Londres e que estivo a se representar de forma ininterrompida durante 12 anos no West End de Londres. No noso país estivo protagonizada en 1979 por Pedro Osinaga e Fernando Guillén, cultivando un gran éxito entón.
Josema Yuste, fundador de Martes y Trece, é un veterano xa no mundo do teatro, onde protagonizou Cuando Harry encontró a Sally, Nadie es perfecto, Una pareja de miedo e La cena de los idiotas, que permaneceu cinco anos en cartel. Así mesmo, protagonizou un total de 12 películas, entre elas La corte del faraón, Aquí huele a muerto, El robo de la jojoya ou Atraco a las tres y media.
As entradas para asistir a esta representación pódense adquirir a través de www.ataquilla.com. Teñen un prezo de 18 euros.
Relacionadas:
-
O 'Taxi' de Josema Yuste fai parada en Pontevedra cargado de risas
Por Redacción |
-
O mago Tamariz, Josema Yuste, Lola Herrera e Héctor Alterio actuarán no Pazo da Cultura en novembro
Por Redacción |
-
Reactivan a venda de entradas para a obra 'En el estanque dorado', con Lola Herrera e Héctor Alterio
Por Redacción |
-
'Continuidad de los parques' remata a súa xira divertindo o público pontevedrés
Por Diego Torrado & Anxo Lourido |