Trece grupos participarán na Mostra da Canción Mariñeira
Por Redacción
A terceira edición da Mostra da Canción Mariñeira dará comezo na noite deste venres día 21 de agosto ás 21:00 horas dentro da carpa de degustación gastronómica situada no peirao da Canteira de Combarro.
A partires das nove da noite e durante toda a fin de semana, todos os que se acheguen ata Combarro terán a oportunidade de gozar coas cancións dos trece grupos que participan este ano na mostra.
As actuacións dos distintos grupos convidados terán lugar no escenario situado na "Taberna Mariñeira" dentro da carpa gastronómica.
O Concello de Poio quere aproveitar a ocasión para convidar a todos os afeccionados á canción mariñeira a que se acheguen ata Combarro e gocen do bo ambiente de esta vila durante a celebración da xa tan coñecida Festa do Mar.