Empeza a Festa do Mar en Combarro, "vila mariñeira e rockeira"
Por Cristina Saiz
O 'contramestre' Xurxo Souto xa deu a orde e a vila mariñeira de Combarro iniciou a Festa do Mar.
O polifacético líder dos Diplomáticos de Monte Alto animouse a cantar un peculiar himno para esta décimo quinta edición da festa, a máis musical dos últimos anos cunha ducia de grupos que actuarán entre o próximo 19 e 23 de agosto.
La Guardia, o día 19; Carlos Baute, o 20; e o venres: o Armadiña Rock, coas actuacións dos Diplomáticos de Monte Alto, Familia Caamagno, Recambios Tucho e Leo i Arremecaghona. O sábado 22 actuará a orquestra América e o domingo 23 será a quenda da orquestra The Boys Machine.
Música e gastronomía local no porto da Canteira de Combarro xa que o espírito desta celebración é apoiar ao sector marisqueiro e fomentar deste modo o consumo de produto da ría.