O jazz e o blues xa reinan na noite pontevedresa
Por Diego Torrado
A praza do Teucro encheuse de público na noite deste martes 14 con ganas de internarse na cita coa música máis intensa que cada ano enche o verán pontevedrés. Comezou o XXIII Festival Internacional de Jazz e Blues coa actuación de Felipe Villar Quartet.
O guitarrista de Vigo acompañado por Fernando Sánchez ao saxo, José Manuel Díaz ao contrabaixo e Max Gómez á batería ofreceu un concerto no que repasou os temas do seu primeiro disco, Home, e do seu novo traballo, Outro. A banda demostrou o seu bo facer sobre o escenario, que o converteu nunha protagonista habitual da escena do jazz galego dos últimos anos.
Durante a noite deste mércores, ás 22.30 horas na Praza do Teucro, outro dos músicos galegos con máis experiencia, Nani García acompañado por Simón García ao contrabaixo e Miguel Cabana á batería realizará un repaso da súa carreira artística na que presentará novos temas. Este emblemático trío mantén o seu estilo particular, que conseguiu renovar o panorama jazzístico galego dende os anos 80.
A partir do xoves 16, os concertos trasladaranse á Praza da Ferrería coas actuacións de Janiva Magness, Terri Lyne Carrington, Ruthie Foster e Virxilio da Silva Quinteto. Todos os concertos son gratuítos.
Relacionadas:
-
E seis días despois... rematan as noites de blues e jazz en Pontevedra
Por Redacción |
-
O jazz de Grammy de Terri Lyne Carrington dá paso á expresiva voz de Ruthie Foster
Por Redacción |
-
Da cálida voz de Janiva Magness á trepidante batería de Terri Lyne Carrington
Por Diego Torrado |
-
O Festival Internacional de Jazz e Blues chega á Ferrería coa voz de Janiva Magness
Por Redacción |
-
Seis días do mellor Jazz e blues internacional nas rúas
Por Redacción |
-
Jazz de luxo en Pontevedra: chega o XXIII Festival Internacional de Jazz e Blues, do 14 ao 19 de xullo
Por Alejandro Espiño & Cristina Saiz |