Últimas entradas á venda para o concerto de Quique González no Principal
Por Redacción
Xa están á venda as últimas entradas para o concerto do compositor e músico Quique Gonzalez no Teatro Principal de Pontevedra. A cita será o 21 de xuño e as últimas entradas pódense mercar en ATaquilla.com a un prezo de 20 euros (+ gastos) en venda anticipada. No caso de non esgotarse, o mesmo día custarán 25 euros na billeteira.
Quique González chega a Pontevedra dentro da xira 'Carta Blanca', concebida como un tour moi especial no que o madrileño actúa en solitario, en recintos pequenos e cun repertorio aberto que cambiará cada noite en función das suxestións do público.
A xira, que botou a andar o pasado 28 de febreiro en Salamanca, leva percorridos xa escenarios coma Donostia, Santiago, Madrid ou Barcelona nos que colgou o cartel de ‘Non hai entradas’. Nas próximas semanas fará paradas en Granada, Leganés, Valencia ou Alicante, para as que as entradas se esgotaron hai días.
Esta actuación súmase ás pasadas e exitosas de Treixadura e Sés e á do artista Pablo Alborán que terá lugar o 11 de setembro na explanda do Recinto Feiral, completando a oferta musical programada polo Pazo da Cultura.
Relacionadas:
-
Un Quique González máis intimista e acústico triunfa dando 'carta branca' aos seus fans pontevedreses
Por Alejandro Espiño & Diego Torrado |
-
24 de abril, Teatro Principal: Sés regresa a Pontevedra para presentar "Tronzar os valos", o seu terceiro disco
Por Alejandro Espiño |
-
O Teatro Principal de Pontevedra, nova parada da xira "Carta Blanca" de Quique González
Por Alejandro Espiño |
-
Pablo Alborán inclúe Pontevedra na súa nova xira: actuará na cidade o 11 de setembro
Por Alejandro Espiño |