María Arribe imparte, a partir do venres 15, os obradoiros de Cantos de Taberna
Por Redacción
A concellería de Festas inicia este venres 15 de maio os obradoiros de Cantos de Taberna, que estarán impartidos por María Arribe, maestra do grupo de música tradicional Maravallada. Os talleres son gratuítos e requiren a inscrición previa a través do teléfono 986 80 43 00 na extensión 7030.
Os obradoiros impartiranse ese mesmo venres 15 e o sábado 16 en sesións de perfeccionamento e de iniciación, cunha cota máxima de 10 persoas.
O venres 15, os horarios serán:
. Perfeccionamento: 18.00 a 20.00 horas
. Iniciación: 20.00 a 22.00 horas
O sábado, 16, os horarios serán:
. Perfeccionamento: 10.00 a 12.00 horas
. Iniciación: 12.00 a 14.00 horas
Esta actividade forma parte dun programa destinado a animar e a trasladar a tradición do cante popular nos bares da cidade como se practicaba antigamente, interpretando coa compañía dalgún instrumento temas galegos coñecidos.