A exposición "Pontevedra. Laranxeiras e limoeiros" pecha na cidade a celebración do Día do Libro
Por Daniel Santomé
A conmemoración do Día do Libro tivo en Pontevedra un broche de ouro. A sala de exposicións do Pazo da Cultura acolleu este xoves a inauguración da mostra Pontevedra. Laranxeiras e limoeiros.
A exposición, que poderá ser visitada ata o 31 de maio, está vinculada ao libro do mesmo título publicado recentemente pola Editorial Galaxia.
Trátase dun volume que reúne os textos de que 19 autores e autoras contemporáneas lle dedican á cidade.
Acompañados das imaxes da fotógrafa pontevedresa Noel Queipo, colaboradora de PontevedraViva, participan neste proxecto escritores como Fina Casalderrey, Miguel Anxo Fernández, Víctor Freixanes, Luis Rei, Manuel Lourenzo, Susana Fortes, Alfredo Conde, Elvira Riveiro, Isaac Xubín, Calros Solla, Sabino Torres ou Aurora Vidal Caramés.