Afundación trae a Pontevedra "VIP", o novo espectáculo de Els Joglars
Por Redacción
Unha das compañías máis populares da escena teatral do país regresa aos escenarios pontevedreses. O auditorio da sede de Afundación na cidade acollerá o domingo 22 de marzo, a partir das 20.30 horas, a representación do novo espectáculo de Els Joglars, titulado VIP. Trátase dunha ácida visión dos excesos cometidos na actualidade na educación dos nosos fillos.
Esta nova proposta da compañía catalá recolle a máis pura esencia de Joglars.
A partir da denominación empregada para sinalar a aquelas persoas que reciben un trato especial, VIP (very important person), Joglars parodian en clave sarcástica os excesos que os adultos cometen na educación dos menores dende o momento mesmo do embarazo ata o posterior paso polas aulas. O feito de chegar mesmo a coroar o neno protagonista da peza teatral dá unha idea da mensaxe que se intenta transmitir.
Tanto Ramon Fontserè coma o resto do grupo actoral coinciden en destacar a tiranía que se lles consente exercer aos nenos e nenas en todos os ámbitos da súa vida. Son actitudes que, segundo a compañía, poden acabar de modelar unha personalidade dominadora que somete aos adultos, incluídos os pais e os mestres.
Cunha escenografía sinxela que favorece o cambio de acción de xeito rápido e que se aliña coa intención de ir cambiando secuencias de tal maneira que se poida identificar coa sucesión comparativa que xorde na mente dos nenos cando xogan, esta peza é unha chamada de atención para buscar a posible verticalidade do péndulo educativo que, como comentan dende Joglars, pasou dun extremo a outro sen apenas deterse no centro.
As entradas para este evento están dispoñibles a través de www.ataquilla.com ou no 902 504 500.
Relacionadas:
-
Máis de 40 bailaríns, músicos e cantantes traen a Pontevedra as vibrantes danzas cosacas rusas
Por Redacción |
-
Amor, soños e morriña conviven na nova cita teatral de Afundación: 'En construcción'
Por Redacción |
-
Como sobrevivir á perda do emprego da man de María Galiana e Juan Echanove
Por Diego Torrado |