O ritmo de Richard Bona fai vibrar ao público da Ferrería
Por Redacción
Un dos baixistas máis reclamados dentro da esfera do jazz mundial, Richard Bona, ofreceu un concerto cheo de dinamismo e de fusión de ritmos dentro dos concertos que o Festival Internacional de Jazz e Blues programou para esta semana.
O músico camerunés inauguraba o escenario dos grandes recitais na Praza da Ferrería acompañado polos cinco músicos que forman a banda que lle acompaña durante a xira que iniciou a finais de xuño e que este xoves o leva a tocar en Portugal.
Bona iniciou a súa carreira en solitario en 1998 e participou con grandes nomes da música internacional como Chick Corea ou Bobby McFerrin.
Esta noite de xoves 24 de xullo, ás 22.30 horas, chega a quenda da cantante de soul Robin Mckelle, que estará acompañada no escenario da Ferrería pola banda The Flytones. Trátase dunha das voces máis características do panorama do jazz actual e en 2004 lograba o terceiro lugar noThelonious Monk Vocal Jazz Competition. Entre outros artistas, colaborou con Wayne Shorter, Herbie Hancock, Bobby McFerrin, Carly Simon e David Bowie.
Relacionadas:
-
O Festival de Jazz tira da canteira: Xan Campos pon o broche de ouro
Por Diego Torrado |
-
Eric Bibb deixa paso ao jazz galego na última xornada do Festival Internacional de Jazz e Blues
Por Redacción |
-
A Ferrería námorase da alma e a voz 'rhythm & blues' de Robin McKelle
Por Alejandro Espiño & Diego Torrado |
-
A big band Marcos Pin Factor E-Reset dá paso ao jazz na Ferrería con el multiinstrumentista Richard Bona
Por Redacción |
-
A voz do jazz invadirá as Prazas de Pontevedra durante toda a semana
Por Redacción |