Maravallada e Cantos de Taberna na Festa do Pan de Millo e Ovo de Cotobade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O vindeiro sábado 14 de setembro terá lugar a X Festa do Pan de Millo e Ovo de Cotobade no campo da festa de Tenorio.
O evento, organizado pola Asociación Cultural Foula en colaboración co Concello de Cerdedo-Cotobade, espera servir máis dun milleiro de ovos fritidos con pan de millo desmigado.
A xornada contará con actuacións musicais durante todo o día, incluíndo grupos como Mavarallada, Follas de Olivar,e Comando Curuxas.
Tamén haberá Cantos de Taberna con Firrás, Chispas do Lérez e Máis Cantos.
Ademais da oferta gastronómica e musical, o evento incluirá unha feira artesanal e xogos infantís dirixidos por monitores de tempo de lecer.
O alcalde Jorge Cubela felicitou á Asociación Cultural Foula pola consolidación desta festa no seu décimo aniversario, destacando o seu papel na recuperación e mantemento da música e do folclore local.
A festa promete ser unha xornada completa de gastronomía, música e lecer para toda a familia, atraendo visitantes non só de Tenorio senón de toda a comarca.