Remata a edición máis multitudinaria e exitosa do Sonrías Baixas
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/d38/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b0ac7bbc-unnamed.jpg)
© Ainhoa Lucirica
![](/web/cache/scene/uploads/fotos/foto/939/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b0a9099b-rocio_r6oc3504-mejorado-nr_240802_080.jpg)
© Rocío Cibes
![](/web/cache/scene/uploads/fotos/foto/957/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b0a8da90-.jpeg)
© Ainhoa Lucirica
![](/web/cache/scene/uploads/fotos/foto/91c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b0a8da24-ainhoalaucirica_muerdo_dsc3002.jpg)
© Ainhoa Lucirica
Tras unha pasada edición que xa bateu récords, o festival SonRías Baixas pechou a súa 21ª edición con gran éxito e celebrando un novo fito relativo ao número de asistentes.
Segundo informa a organización, o festival conseguiu reunir durante os días 1, 2 e 3 de agosto a máis de 26.800 persoas no recinto das Lagoas de Bueu, experimentando un crecemento de máis do 20% con respecto ás cifras de 2023 e consolidándose como unha das citas de referencia do verán musical en Galicia, ampliando e estendendo cada vez máis a súa influencia e notoriedade por todo o Estado.
O impacto económico que deixa esta nova edición do SonRías na zona ascende a 2,3 millóns de euros, o máis alto da súa historia e reflectindo o crecemento que está a experimentar o festival de maneira directa no tecido turístico e hostaleiro da localidade, e tamén en toda a contorna da vila mariñeira. Durante todo o seu desenvolvemento, no festival traballaron preto de 1.000 persoas.
Este ano a proposta artística supuxo a contratación de 26 bandas e foi mostra da evolución musical da que o festival quere ser amplamente partícipe, mesturando bandas consolidadas e queridas por todos (La Oreja de Van Gogh, Rayden, Rozalén), con formacións de máis recente creación pero que chegan pisando moi forte (Álvaro de Luna, Ginebras, La La Love You) e sen esquecerse do talento galego, sempre moi presente no espírito do SonRías. Para o recordo quedan as actuacións de Grande Amore, Fillas de Cassandra e o multitudinario concerto de Tanxugueiras.
As colaboracións entre artistas tamén regalou grandes momentos, unindo ás recentemente citadas con Rayden e Rozalén, Álvaro de Luna sumouse ao set de Sexy Zebras, Sabela foi a convidada no concerto de The Rapants e Luis Fercán sorprendeu ao persoal ao aparecer por sorpresa no concerto de Mr. Kilombo.
A vocación interxeracional do SonRías Baixas segue patente un ano máis, conseguindo reunir grazas á súa variada proposta a público de todas as idades, que continua sendo moi nova e maioritariamente feminino (máis do 64% dos seus asistentes son mulleres). O cartel tamén foi esta edición exemplo de aposta polo talento feminino, sendo a maior parte dos seus nomes principais proxectos liderados por mulleres e contando máis de 2/3 da súa proposta con bandas con representación feminina nas súas filas.
Festival SonRías Baixas
O Festival conseguiu reunir durante as súas tres xornadas a máis de 26.800 asistentes. A 21ª edición do SonRías Baixas xerou un impacto económico no territorio de 2’3 millóns de euros e nela traballaron preto de 1.000 persoas
© Rocío Cibes
Relacionadas:
-
A Asociación Retrouso de Bueu celebra cunha gala especial o seu aniversario de prata
Por Redacción |
-
La Oreja de Van Gogh, un arranque apoteósico para o SonRías Baixas de Bueu
Por Redacción |
-
Preparado o eclecticismo de La Oreja de Van Gogh, Rozalén e Tanxugueiras para asaltar o SonRías Baixas
Por Redacción |
-
O turismo e o festival Sonrías Baixas leva ao Concello de Bueu a habilitar máis zonas de aparcamento
Por Redacción |