Comezan as visitas guiadas á exposición 'A era das fábulas' no Museo de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Tras a súa inauguración a comezos de xullo, o Museo de Pontevedra inicia este próximo 1 de agosto o ciclo de visitas guiadas para coñecer a exposición 'A era das fábulas. A Arte e ou poder rexenerador da fantasía'. Ofrécense semanalmente cada xoves ás 18.00 horas ata o 26 de setembro.
Estas visitas comentadas correrán a cargo do equipo de Educación do Museo, son gratuítas e non requiren de inscrición previa; unicamente en caso de visitas para grupos en horario diferente ao fixado hai que remitirse á dirección de correo electrónico educacion.museo@depo.gal.
‘A era das fábulas’ está composta con fondos artísticos do Museo de Pontevedra, da Fundación María José Jove e do Thyssen-Bornemisza Art Contemporary, resaltando a forza da transmisión oral na cultura. A exposición está aberta ao público ata o 29 de setembro.
Durante o tempo de apertura da mostra, o Museo organizou actividades paralelas vinculadas á mesma, como son talleres para público familiar. Este sábado 3 de agosto será o terceiro dos programados. Xa en setembro está previsto un seminario con conferencias e mesas redondas sobre relixiosidade popular, exvotos e outras ofrendas.
Relacionadas:
-
O Museo convida á cidadanía a explorar a súa creatividade sacando á rúa 'A era das fábulas'
Por Oskar Viéitez |
-
Inaugurada 'A era das fábulas' no Museo: “A mellor exposición dos últimos vinte anos”
Por Mónica Patxot & Redacción |
-
"A era das fábulas", a exposición coa que o Museo quere ser un "faro de cultura"
Por Alejandro Espiño |