Aladino ou Alí Babá cobran unha nova vida no arranque de Titirivedra
Por Redacción & Mónica Patxot
Con As mil e uma noites, da compañía Caricata Teatro, comezou unha nova edición do ciclo de espectáculos de marionetas Titirivedra, unha das apostas que fai as Festas de Verán de Pontevedra polo público infantil.
Moitos foron os nenos e nenas que, acompañados das súas familias, non se quixeron perder a primeira das sete representacións que se desenvolverán na Alameda toda esta semana.
A primeira foi esta adaptación deste clásico da literatura que, partindo desde un punto de vista actual, usaba marionetas construídas con elementos de cociña.
Foi un espectáculo divertido e diferente onde os pequenos puideron coñecer os contos máis famosos das mil e unha noites como 'Aladino e a lámpada marabillosa' ou 'Ali Babá e os corenta ladróns'.
Titirivedra continuará este martes, a partir das sete da tarde, con O galo Quirico, de Monicreques Seisdedos.
O resto da programación pódese consultar nesta ligazón.
Relacionadas:
-
Xa abriron as casetas da feira de artesanía e deseño Chalana
Por Oskar Viéitez & Mónica Patxot |
-
Regresa Titirivedra con "folgos renovados" para "facerse un oco" na tradición dos monicreques en Galicia
Por Natalia Puga & Mónica Patxot |
-
Os monicreques piden paso con sete divertidos espectáculos en Titirivedra
Por Redacción |
-
Pontevedra, ante un "verán que non para" con preto de catrocentas actividades festivas nas súas Festas de Verán
Por Alejandro Espiño & Mónica Patxot |