Dúas semanas de prórroga para visitar a mostra de obras da Escola de Cantería no Mosteiro de Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As máis de cincuenta obras que forman parte da exposición 'Arias Xidas' serán visitables durante dúas semanas máis no Mosteiro de Poio.
A Escola de Cantería de Poio alcanzou un acordo co Concello e co Mosteiro de San Xoán para que estes traballos do alumnado permanezan ata o 22 de xullo.
Os venres 12 e 19 de xullo, ás 12.00 horas, realizaranse visitas guiadas polo profesorado do centro para explicar as técnicas e o procedemento de elaboración das pezas.
Nesta mostra ofrécense traballos de estudantes con temática diversa desde elementos construtivos básicos e motivos tradicionais ata elementos abstractos, pasando por esculturas figurativas.
Varias obras recrean modelos do escultor Asorey, homenaxeado este ano polas Artes Galegas.
Precisamente nos últimos días, o Consello de la Xunta de Galicia aprobaba o Decreto que converte á Escola de Cantería nun Centro Integrado de Formación Profesional.
Ofertaranse catro novas titulacións o próximo curso, entre as que se atopa a de Alta Especialización en Pedra Natural, con 22 prazas. Ofrecerase por primeira vez unha titulación oficial de Formación Profesional ao alumnado que curse estes estudos.
Ademais, ofrecerase o ciclo básico en Reforma e Mantemento de Edificios; e os ciclos de FP dual en Construción e Proxectos de edificación, con convenios con empresas do sector.
Relacionadas:
-
A Escola de Cantería transfórmase nun centro especializado en edificación, construción e cantería
Por Redacción |
-
O Mosteiro de Poio acolle as exposicións "Arias Xidas" e "Maquetas do Patrimonio Cultural"
Por Redacción |
-
A Escola de Cantería de Poio incorpora catro novas titulacións tras a súa conversión nun centro integrado de FP
Por Redacción |