Éxito do Cidade de Libro de Vilagarcía coa participación de 8.000 persoas
Por Redacción
As consultas de avaliación realizadas ao público, autores e libreiros e a memoria da cuarta edición de Vilagarcía, Cidade de Libro coinciden en destacar un novo éxito deste evento que se atopa consolidado e de referencia.
O formato innovador convérteo nunha iniciativa destacada no panorama literario estatal coa combinación de grandes firmas das letras españolas e galegas cos talentos locais.
Durante seis días, entre o 11 e o 16 de xuño, dábanse cita oito mil persoas polas casetas cunha elevada participación nos encontros con autores.
Tamén o público infantil participaba masivamente das actividades de animación á lectura. Todas as actividades desenvolvíanse no Parque Miguel Hernández, agás nas xornadas de choiva cando foi necesario trasladar as sesións ao Auditorio municipal de Vilagarcía.
O cartel foi elaborado polo departamento que dirixe o concelleiro Álvaro Carou e ofrecía unha gran variedade de estilos e de creadores con ao redor de trinta firmas de primeiro nivel
Nomes como Nativel Prezado, Lorenzo Silva, Javier Sierra, Ángel Martín, Arantza Portabales, Paula Carballeira, Manuel Jabois, Manel Loureiro, Montse Fajardo ou Ángela Banzas compartían espazos con autores locais e novos talentos como Afra Torrado, Ismael Ramos, Bernardo Pajares, Lúa Mosqueta ou Anan Abdalah.
O balance do evento que realizan desde o goberno local é que se converteu nun motor do sector editorial cun importante efecto económico ao disparar as vendas de libros tanto durante o evento como nas xornadas previas e posteriores.
Este ano participaron cinco librerías locais, dous editoriais e unha asociación con espazos no evento organizado polas concellerías de Xuventude e de Cultura de Vilagarcía.
Relacionadas:
-
RADIO.- Para ser alguén que debería estar morto, Alejo Stivel está moi vivo
Por Marisa Ciordia |
-
RADIO.- A influencer que educa sobre a adolescencia escribe un libro de homenaxe ás nais
Por Marisa Ciordia |
-
Trasládanse ao Auditorio as actividades da xornada de clausura de 'Vilagarcía, Cidade de libro'
Por Redacción |
-
As viaxes no tempo, no espazo e na memoria fan escala en Vilagarcía, cidade de libro
Por Redacción |
-
A segunda xornada do Vilagarcía, Cidade de Libro, chega cargada de misterio
Por Redacción |
-
Lúa Mosqueta, Ismael Ramos e Afra Torrado intervirán na xornada inaugural de Vilagarcía, Cidade do Libro
Por Oskar Viéitez |