Rick Estrin & the NightCats, primeira incorporación do Festival de Jazz e Blues
Por Almu Dapena
O Concello de Pontevedra, a través das súas redes sociais, desvelou a data e o nome dun dos grupos que formará parte da 30ª edición do Festival Internacional de Jazz e Blues.
Trátase da banda estadounidense de blues Rick Estrin & the NightCats, formada en 2008 tras a disolución de Little Charlie & The Nightcats. Estrin colleu a remuda como líder e subirá ao escenario que se instalará na Praza da Ferrería o mércores 7 de agosto.
Rick Estrin naceu en San Francisco en 1949. Aos 12 anos a súa irmá regaloulle un disco de Ray Charles e foi a partir dese momento cando empezou a interesarse polo Blues e pola harmónica, instrumento que o acompaña desde os 15 anos. De feito, o estadounidense é considerado o mellor armonicista branco da actualidade xunto a Charlie Musselwhite.
Nas súas filas están o guitarrista e produtor Kid Andersen, D´Mar á batería (batería de Little Richard durante 14 anos) e o baixista e teclista Lorenzo Farrell.
Entre os seus recoñecementos destacan o premio como Banda do ano nos Blues Music Awards de 2018 e 2021 e varios nomeamentos aos Grammy.
Relacionadas:
-
Sempasúchil achega boas vibracións á Ferrería no Festival Internacional de Jazz
Por Cristina Saiz & Anxo Lourido |
-
Urbana Monte Porreiro 'ficha' o rapeiro Foyone para a súa edición deste ano
Por Alejandro Espiño |
-
O Concello de Pontevedra destina 193.842 euros a fogos artificiais, de lucería e de ruído
Por Oskar Viéitez |
-
'Jazz no Principal' seguirá a promover a canteira musical na súa vixésima edición con Joan Terol e Gorka Benítez
Por Anxo Lourido |
-
O 70% dos músicos de jazz en Galicia veñen da man do Seminario Permanente de Pontevedra
Por Oskar Viéitez |
-
O festival de jazz baixa o pano coa actuación da banda pontevedresa Mr. River Night Court
Por Redacción & Mónica Patxot |