Relatos de gran emoción reinan en 'Bótalle un conto'
Por Cristina Saiz & Anxo Lourido
Dez finalistas lograron divertir e emocionar ao público na sesión de 'Bótalle un conto' que na tarde deste domingo 26 celebrábase no Teatro Principal de Pontevedra.
Esta proposta desenvolveuse nunha fase previa de selección en distintos centros sociais das parroquias do municipio cun total de cincuenta participantes, con 45 mulleres e cinco homes, que tiñan entre 27 e 93 anos de idade.
Os finalistas, cun arco de idade que ía desde os 42 aos 88 anos, ofreceron aos asistentes historias da vida e anécdotas persoais.
Mar García Vendrell e José Pintos Alsina foron os encargados de conducir a gala, coa colaboración do contador de historias Celso Fernández Sanmartín.
Os premios foron os seguintes:
Cea para dúas no Souto: Celia Ferreira, de Marcón.
Cea para dúas no Gumer: María José Chorén, de Verducido.
Cea para dúas no Tabula Rasa: Concha Peón, de Ponte Sampaio.
Primeiro premio, cea para dúas no Eirado da Leña: Lucía Alén, da asociación As Amarindas, de Cons - Mourente.