Espallando por Soutomaior versos de Rosalía para conmemorar á poeta
Por Redacción
A concelleira de Mocidade, Rosana Martínez Comesaña, e a ilustradora e artesá local, Paula Pereira, presentaron a campaña "Espallando versos de Rosalía!".
Segundo explicaron, este venres 23 de febreiro o Concello de Soutomaior pon en marcha esta iniciativa para conmemorar o Día de Rosalía facéndoa coincidir coa data do aniversario do nacemento da escritora e poeta, referente para a cultura galega.
A imaxe da campaña, deseñada por Paula Pereira, será entregada estampada nunhas bolsas de tela que se entregarán de balde e que se poderán conseguir no Centro Integrado de Benestar (Multiusos), na Biblioteca Municipal, no Pavillón Municipal de Deportes e na Casa do Concello.
Para conseguilas o único que terán facer as persoas interesadas é achegarse, dende o 23 de febreiro e ata que se esgoten as bolsas a calquera destas dependencias municipais, escoller un verso, sacarse unha foto ou vídeo recitando dito poema e subilo á redes sociais con hasthag #SoutomaiorRosaliaSempre e así, deste xeito, seguir axudando a seguir espallando o legado de Rosalía.
Relacionadas:
-
Soutomaior segue facilitando o acceso á lectura co proxecto Bibliofogar
Por Redacción |
-
"Caldo de Gloria" e unha lectura colectiva para conmemorar en Poio o Día de Rosalía
Por Redacción |
-
Lecturas abertas en Pontevedra e espectáculo infantil en Marín para celebrar o Día de Rosalía
Por Redacción |
-
O campus conmemora o Día de Rosalía con música e poesía
Por Redacción |
-
Bueu celebrará o Día de Rosalía con poesía e contacontos
Por Redacción |